ესპანური გამოცემების ცნობით, ნაჩო ფერნანდესი „ბლანკოსთან“ კონტრაქტის გახანგრძლივებას არ ჩქარობს...

გამომდინარე იქედან, რომ სამეფო კლუბში ძალიან დიდი კონკურენციაა და ანტონიო რუდიგერის ტრანსფერმა სიტუაცია კიდევ უფრო გაართულა, ნაჩომ შესაძლოა სხვა კლუბების შემოთავაზებები განიხილოს.

ამ ეტაპზე ფერნანდესის აქტივში მხოლოდ 4 მატჩი და 218 წუთია. ანჩელოტი ნაჩეტეს აღარ განიხილავს დაცვის მარჯვენა და მარცხენა ფლანგებზე, ვინაიდან იქ კარვახალის შემცვლელად ოდრიოზოლა და ვასკესი ჰყავს, მარცხნივ კი მენდის დავიდ ალაბა ანაცვლებს.

მოქმედი კონტრაქტი ესპანელ მცველს 2023 წლის 30 ივნისს ეწურება, რაც იმას ნიშნავს, რომ 1 იანვრიდან ნებისმიერ მსურველ კლუბთან შეძლებს მოლაპარაკებების წარმოებას.