მადრიდში ფიქრობენ, რომ მუნდიალი ბელინგემის ფასს კიდევ გაზრდის
ჯუდ ბელინგემი „რეალის“ რადარზეა. ინგლისელი ფეხბურთელის ფასი უკვე აღემატება 100 მილიონ ევროს, მაგრამ ესპანეთის დედაქალაქში ფიქრობენ, რომ ციფრი შესაძლოა კიდევ გაიზარდოს...
იმ შემთხვევაში, თუ „დორტმუნდის“ ნახევარმცველი ინგლისის ნაკრებში თავს გამოიჩენს და საკვანძო ფიგურად იქცევა, ბორუსიული კლუბი მის ფასს კიდევ უფრო გაზრდის.
ყოველივე ზემოაღნიშნულის ფონზე ფლორენტინო პერესის ამოცანა რთულდება, მაგრამ ესპანელმა პრეზიდენტმა კარგად იცის, რომ კოლექტივში ლუკა მოდრიჩის შემცვლელია საჭირო, მთელი მსოფლიო კი თანხმდება, რომ ბელინგემში ნამდვილად დევს ის ნიჭი და პოტენციალი, რომელიც ლუკიტას შემცვლელს სჭირდება.
არსებული ინფორმაციით, „ბლანკოსი“ ჯუდისთვის 130 მილიონს გამოყოფს, ვინაიდან საბოლოოდ დარწმუნდა, რომ პირველ ეტაპზე შეთავაზებული 95 მილიონი ევრო შედეგისმომტანი ვერ იქნება.
- 30 სექტემბერი 2022
- 1 187
- 9