მას შემდეგ, რაც სეზონი დაიწყო, მადრიდის „რეალმა“ 9 დაპირისპირება გამართა, ყველაზე დიდი დატვირთვა ტიბო კურტუას შემდეგ კი ვინისიუს ჟუნიორს აქვს მიღებული..

9 შესაძლო მატჩიდან ვინიმ ცხრაშივე მიიღო მონაწილეობა, 5 გოლი გაიტანა და 2 საგოლე გადაცემაც მიითვალა.

ბრაზილიელი ახალგაზრდის ანგარიშზე 776 სათამაშო წუთია და მხოლოდ ტიბო კურტუას 810 წუთიან მაჩვენებელს ჩავარდება.

კარს გარეთ მოთამაშე ფეხბურთელებს შორის ვინის საუკეთესო შედეგი აქვს და აღემატება დავიდ ალაბას და ფედე ვალვერდეს, რომლებიც ასევე „700“იანთა კლუბის წევრები არიან.

ბრაზილიელი ფეხბურთელის ფიზიკური კონდიციები შესანიშნავია და ის მოედანს ფაქტობრივად არ ტოვებს.

ოქტომბრის ძალიან დატვირთული კალენდარის ფონზე, ვინის გარკვეულ მატჩებში მეტი დასვენება მოუწევს, მაგრამ მსოფლიო ჩემპიონატის დაწყებამდე ის შესაძლოა 1800 - 1900 წუთიანი მაჩვენებლის ავტორიც გახდეს.