მას შემდეგ, რაც სეზონი დაიწყო, მადრიდის „რეალს“ ვერავინ აჩერებს...

9 მატჩში არ მოიძებნა გუნდი, რომელმაც სამეფო კლუბთან თუნდაც ფრეს მიაღწია. ანჩელოტის შეგირდებმა სეზონი ევროპის სუპერთასზე შესანიშნავი გამოსვლით დაიწყეს, სადაც გაიმარჯვეს.

გარდა ამ ტურნირისა, გუნდმა ჩემპიონთა ლიგაზე 2 მატჩი მოიგო და ჯგუფური ეტაპის ლიდერია, ლა ლიგაში კი 18 შესაძლო ქულიდან 18 აქვს მოპოვებული და უახლოდეს მდევარ „ბარსელონას“ 2 ქულით უსწრებს.

ახლა სანაკრებო პაუზის ჯერია, ანჩელოტის გუნდი კი ნოემბრის დასაწყისიდან საკმაოდ ინტენსიური კალენდარის პირობებში ითამაშებს.