მას შემდეგ, რაც სეზონი დაიწყო, მადრიდის „რეალმა“ 3 ტურნირზე ითამაშა და ყველგან 100%-იანი შედეგი აქვს. „აინტრახტთან“ ევროპის სუპერთასზე დაფიქსირებული პირველი გამარჯვების შემდეგ გუნდმა 1 მატჩი ჩემპიონთა ლიგაზე, ხოლო 5 ლა ლიგაში მოიგო...

ანჩელოტის კოლექტივი 15 ქულით ლა ლიგის ერთპიროვნული ლიდერია, ჩემპიონთა ლიგაზე კი შესაძლო 3-იდან 3 ქულას ფლობს.

ასევე უნდა აღინიშნოს, რომ გუნდი ძალიან შედეგიან მატჩებს ატარებს. ესპანეთის შიდა პირველობაზე „მერენგებმა“ 5 დაპირისპირებაში 15 გოლი გაიტანეს, რაც იმას ნიშნავს, რომ კოლექტივს თითო დაპირისპირებაში საშუალოდ 3 გოლი გააქვს.

როგორც ვხედავთ, ანჩელოტის გუნდმა სეზონი საოცრად დაიწყო და ვიმედოვნებთ, რომ ტრიუმფალური სვლა ასეთ ტემპში გაგრძელდება.