ესპანური გამოცემების ცნობით, კარლო ანჩელოტი კარიმ ბენზემას შემცვლელზე 100%-ით ჯერ არ ჩამოყალიბებულა, თუმცა უპირობო შემცვლელად აზარი არ განიხილება...

მადრიდელთა ცნობით, იტალიელი სპეციალისტი ცენტრ-ფორვარდის პოზიციაზე როდრიგო გოეშის გამოყენებას გეგმავს, მარჯვენა ფლანგზე კი მარკო ასენსიოს მისცემს შანსს.

გადატვირთული კალენდარიდან გამომდინარე როტაცია აუცილებელია, სწორედ ამიტომ დასვენებულმა ასენსიომ სათამაშო დრო აუცილებლად უნდა მიიღოს.

„მალიორკამ“ სეზონი არც ისე დამაჯერებლად დაიწყო. „წითლებს“ 4 თამაშში მხოლოდ 5 ქულა აქვთ მოგროვებული და სატურნირო ცხრილში მე-12 პოზიციაზე იმყოფებიან.

ასევე უნდა აღინიშნოს, რომ ასენსიო „მალიორკას“ წინააღმდეგ ყოველთვის ნაყოფიერად ასპარეზობს, შარშან მან ყოფილ გუნდს ჰეთ-თრიკიც კი შეუსრულა.

რაც შეეხება აზარს, ის ყოველდღიურ რეჟიმში ბოლომდე იხარჯება, თუმცა როგორც სჩანს, როდრიგოზე მეტ ავტორიტეტს ჯერ-ჯერობით ვერ ფლობს.