ლუკა მოდრიჩისთვის „სელტიკთან“ დაპირისპირება საიუბილეო გამოდგა. ხორვატმა ფეხბურთელმა მადრიდის „რეალის“ მაისურით ჩემპიონთა ლიგაზე მე-100 დაპირისპირება გამართა, თუმცა ეს ყველაფერი არ არის...

ლუკიტას ახალი მიზანი კრიშტიანო რონალდუს 101 და მარსელოს 102 მატჩიანი შედეგის გაუმჯობესება იქნება, რომელსაც ფეხბურთელი მიმდინარე ჩემპიონთა ლიგის ჯგუფური ეტაპის დასრულებამდე აუცილებლად მოახერხებს.

შემდეგ მოდრიჩი რობერტო კარლოსის შედეგის გაუმჯობესებისთვის იბრძოლებს, რომელსაც ჩემპიონთა ლიგაზე 109 დაპირისპირება აქვს გამართული.

ზედა ოთხეული კი ასეთია:

1) კასილიასი - 150 მატჩი
2) რაული - 132 მატჩი
3) სერხიო რამოსი - 132 მატჩი
4) ბენზემა - 124 მატჩი

ყველაზე მეტი მატჩი ლუკიტას ჩემპიონთა ლიგაზე „დორტმუნდის“ წინააღმდეგ აქვს ჩატარებული, ის ბორუსიელებს 9-ჯერ დაუპირისპირდა. ამის შემდეგ მოდის მანჩესტერ „სიტი“, გუარდიოლას კლუბს ხორვატი 8-ჯერ შეხვდა.