„ახალი მბაპე“ - სწორედ ასე უწოდებენ ბრაზილიელ ფეხბურთელს, რომლისთვისაც მადრიდის „რეალს“ და კატალონიის „ბარსელონას“ დიდი ბრძოლა აქვთ გაჩაღებული...

ესპანური და არამხოლოდ ესპანური გამოცემების ცნობით, მადრიდული გრანდი ენდრიკის ტრანსფერისთვის ბრძოლაში დაწინაურდა და შეთანხმებაც ახლოს არის.

„ბლანკოსში“ ბენზემას შემცვლელად ერლინგ ჰოლანდს განიხილავენ, თუმცა ეს ჯერ კიდევ შორეული პერსპექტივაა, ენდრიკის ტრანსფერი კი დიდი ხნით ვერ დაიცდის, რადგან კონკურენცია ძალიან დიდია.

„პალმეირასთან“ მოლაპარაკებები ინტენსიურ რეჟიმში მიმდინარეობს. პერესს სურს, რომ ბრაზილიელი სამშობლოში იქამდე დატოვოს, სანამ ენდრიკი 18 წლის გახდება.