ანჩელოტი:,,უძლიერესი გუნდი მყავს, ყველა ტიტულისთვის ვიბრძოლებთ"
კარლო ანჩელოტიმ „ბეტისთან“ მატჩის წინ პრესკონფერენცია გამართა...
„ბერნაბეუზე დაბრუნება ძალიან სასიამოვნოა. ამ არენაზე შარშან საოცრებები შევძელით და იგივეს გაკეთებას ვაპირებთ ახალ სეზონშიც.“
„მთელი გუნდი მზად არის და არაფრის შეცვლას არ ვაპირებ. „ბეტისი“ შესანიშნავი კლუბია, რომელსაც კარგი დინამიკა და სტარტი აქვს. ყველა შემთხვევაში რთულ დაპირისპირებას ველი, თუმცა საშინაო არენაზე ჩვენი უმთავრესი მიზანი 3 ქულა იქნება.“
„გუნდი ყველა პოზიციაზე ძალიან კარგია. ტრანსფერები აღარ იქნება, ფანჯარა დახურულია. ამ კოლექტივს აქვს რესურსი, რომ იბრძოლოს, როგორც ლა ლიგის, ასევე სამეფო თასისა და ჩემპიონთა ლიგის მოგებისთვის. ფავორიტის სტატუსი ბევრ გუნდს აქვს, მთავარი ის არის, რა მოხდება მარტსა და აპრილში და როგორ ვითამაშებთ გადამწყვეტ პაექრობებს.“
„პრემიერლიგას აშკარად ძალიან დიდი პროგრესი აქვს. იქ ასპარეზობენ სუპერ გუნდები, სუპერ ფეხბურთელებით და ბუნებრივია ხარისხი გაზრდილია. ლა ლიგაში ტემპი არასდროს დავარდნილა, სწორედ ამიტომ გამოარჩევენ ინგლისის და ესპანეთის ლიგებს.“
„აზარის შესახებ ახლა ვერაფერს გეტყვით, მას შევაფასებ მას შემდეგ, რაც მოედანზე გავა და გუნდისთვის იბრძოლებს. ედენი ახლა ბევრად უკეტესია, ვიდრე შარშან.“
„ნახევარდაცვაში საუკეთესო სამეულის არჩევა ძალიან რთული იქნება. ჩუამენი ტიპიური „5-“იანია საკუთარი მახასიათებლებით და შესაძლებლობებით. ვფიქრობ, ფრანგს დიდი მომავალი აქვს და ისეთ სიტუაციებში, სადაც ბურთის ფლობის პრობლემა გვაქვს, იდეალურად იასპარეზებს. ასევე საინტერესო იქნება კამავინგასა და ორელიანის ერთად ხილვა. რაც შეეხება კროოსს, ის პასებში უნაკლოა, ამიტომ კონკრეტულ დაპირისპირებებში საოცარ შოუს კვლავ შემოგვთავაზებს.“
„სეზონის სტარტი საკმაოდ კარგია და ვფიქრობ, ასეც უნდა გავაგრძელოთ. რთული მომენტი ყველა გუნდში დგება, თუმცა ეს მცირეხნიანი უნდა იყოს.“
„ასენსიო მადრიდში დარჩენით ძალიან კმაყოფილია, მე მას პატივს ვცემ და მჯერა, რომ ახალ სეზონშიც ნაყოფიერ ფეხბურთს ითამაშებს.“
„ფეხბურთელები, რომლებსაც 1 წელზე ნაკლები აქვთ დარჩენილი? მერწმუნეთ, ბენზემას, ნაჩეტეს, ლუკას და კროოსს მადრიდში კიდევ ბევრი ლამაზი წელიწადი ელით.“
„სებალიოსმა უკვე კარგად იცის საკუთარი როლი გუნდში, ის შანსს ხშირად მიიღებს და მაქსიმალურად ეცდება წარმატების მიღწევას. ის აქ ბედნიერია და დარჩენის გადაწყვეტილება მიიღო.“
„მარიანოს ვუთხარი, რომ მისთვის წასვლა შესაძლებელი გახლდათ, მაგრამ როგორც სჩანს, დარჩენა გადაწყვიტა, ის შანსს დაელოდება.“
„ჩუამენი უნდა შეეგუოს ჩვენი ფეხბურთელების მახასიათებლებს, მისგან გასაკვირი არაფერია, ვინაიდან ძალიან ნიჭიერი ფეხბურთელია. კაზემიროს წასვლის გამო, ორელიანს რეკორდულად მოკლე დროში მოუწევს ადაპტაცია.“
- 2 სექტემბერი 2022
- 4 216
- 29