კარლო ანჩელოტიმ „ესპანიოლის“ დამარცხების შემდეგ პრესკონფერენცია გამართა...

„საკმაოდ რთული მატჩი გამოდგა. მასპინძლებმა ბევრი იბრძოლეს, მაგრამ საბოლოო ჯამში გამარჯვება მაინც ჩვენ მოვიპოვეთ.“

„რუდიგერის ცენტრში დაყენებამ და ალაბას ფლანგზე გადაწევამ უკანა ხაზი კიდევ უფრო გააძლიერა. დავიდი ფლანგზე კვლავ შესანიშნავი იყო.“

„მარიანო და ასენსიო? ბოლოს ფსონი კარვახალზე დავდე, რადგან ვასკესი სასურველ დონეს ვეღარ აჩვენებდა.“

„შესაძლოა როდრიგოსთან და კამავინგასთან ერთად არ გვქონდა ბურთის ისეთი კონტროლი, როგორიც პირველ ტაიმში, მაგრამ მათ თამაშს მუხტი მისცეს და საბოლოო ჯამში გარდატეხა შეიტანეს. არჩევანის გაკეთების საშუალება მაქვს, რაც ძალიან მიხარია.“

„აზარის ადგილი ვერ ვიპოვე, ვინაიდან როდრიგოს, ვინისიუსის და ბენზემას ტრიოს დაშლა არ მსურდა, ისინი ბოლო წუთებში კარგად კომბინირებდნენ და სასურველი შედეგიც დადეს. ედენი აუციელბლად მიიღებს შანსს, მე მას ვენდობი.“

„ბენზემა ბრწყინვალე იყო, მატჩის შემდეგ ვუთხარი, რომ მისი გოლი, რომელიც საჯარიმოდან გაიტანა საკმაოდ ეფექტური გამოდგა.“

„მეტოქე მთელი თამაშის განმავლობაში არნახულ ენერგიას ხარჯავდა, შემდეგ კი ინიციატივა ჩვენ ვიგდეთ ხელთ. ვფიქრობ, კამავინგას და როდრიგოს მოედანზე შესვლამ ჩვენი რესურსი მნიშვნელოვნად გაზარდა და შედეგიც სახეზეა.“