ბრიტანული გამოცემების ცნობით, მანჩესტერ „იუნაიტედი“ კარლოს ენრიკე კაზემიროს შეძენამდე ფედე ვალვერდეს დაუკავშირდა...

ერიკ ტენ ჰაგის გუნდი მზად იყო, ურუგვაელი ნახევარმცველისთვის წლიურად 12.5 მილიონი ევრო გადაეხადა და 5 წლიანი კონტრაქტი გაეფორმებინა. ეს თანხა გაცილებით აღემატება ვალვერდეს მადრიდულ სარგოს, მაგრამ ფედერიკომ წინადადება დაბლოკა.

ვალვერდე მომავალს მადრიდში ხედავს, მას ჯერ არ მიუღწევია იმ დიდი მწვერვალებისთვის, რასაც თუნდაც კაზემირომ მიაღწია.

თავის მხრივ, მადრიდის „რეალი“ ფედეზე უდიდეს იმედებს ამყარებს და მოთამაშეს ყველანაირ კომფორტს უქმნის.