„მარკას“ ინფორმაცით, მადრიდის „რეალის“ მენეჯმენტმა ყველა ფეხბურთელს აცნობა, რომ კარი ღიაა და გუნდი არცერთ მოთამაშესთან არ დაიწყებს ისეთი პოლიტიკის გატარებას, რაც მოთამაშის ინტერესს დააზიანებს...

მოთამაშეებმა უნდა იცოდნენ, რომ კლუბი თითოეულ ინდივიდზე მაღლა დგას. თუ ვინმეს წასვლა სურს და მსურველი კლუბი ადეკვატურ თანხას იხდის, ფლორენტინო პერესი წასვლას არავის დაუშლის.

კაზემიროს წასვლა ამის ტიპიური მაგალითი იყო. ფეხბურთელმა წასვლა თავად ითხოვა და „ბლანკოსმაც“ ხელი არ შეუშალა.

ამ პოლიტიკით პრეზიდენტი ცდილობს ყველას გააგებინოს, რომ კლუბზე მაღლა თავს ვერავინ დააყენებს.