„ას“-ის ინფორმაციით, ყველაზე ხშირად შეცვლადი ფეხბურთელი სამეფო კლუბში ლუკა მოდრიჩი იქნება...

კარლო ანჩელოტი ფიქრობს, რომ ლუკიტას მსოფლიო ჩემპიონატზე გამგზავრება მის ფიზიკურ მონაცემებს გააუარესებს, სწორედ აქედან გამომდინარე, „ბლანკოსი“ ხორვატის მდგომარეობას უნდა გაუფრთხილდეს.

„ას“-ის ინფორმაციით, იტალიელი სპეციალისტი როტაციას ხშირად შეახებს მოდრიჩს, შემცვლელად კი ჩუამენის და ვალვერდეს განიხილავს.

თუ ლუკა შარშან თითქმის ყველა მატჩში მოედანზე იყო, წელს ასე არ იქნება, თუმცა მნიშვნელოვან დაპირისპირებაში აუცილებლად ბოლომდე ვიხილავთ საქმეში.

გასულ სეზონში 36 წლის მოთამაშემ 45 მატჩი ჩაატარა, სადაც 3 437 წუთი დააფიქსირა. ანჩელოტი მიიჩნევს, რომ სეზონში მოდრიჩისთვის 2 500 - 2 600 წუთი სრულიად საკმარისი უნდა იყოს.