კარიმ ბენზემას ანგარიშზე მადრიდის „რეალში“ 324 გოლი ფიქსირდება. ფრანგმა ფაქტობრივად შეუძლებელი შეძლო და რაულ გონსალეს ბლანკოს 323 გოლიანი შედეგი გააუმჯობესა, თუმცა წინ კიდევ უფრო დიდი გამოწვევა...

თუ „9“-იანი კიდევ 128 გოლს გაიტანს, კრიშტიანო რონალდუს 451 ბურთიან შედეგს გააუმჯობესებს და 452 გოლით ისტორიაში საუკეთესო ბომბარდირი გახდება.

თუ გასულ სეზონს შევხედავთ, სადაც კარიმმა ყველა ტურნირზე 40-ზე მეტი გოლის გატანა შეძლო, ამ შედეგის დაფიქსირებისთვის ოპტიმიზმის საფუძველი ნამდვილად იარსებებს.

მომდევნო სეზონში „ბლანკოსს“ ესპანეთის სუპერთასსა და მსოფლიო საკლუბო ჩემპიონატზეც მოუწევს ასპარეზობა, რაც „9“-იანისთვის დამატებითი შესაძლებლობაა.

მომდევნო სეზონში კვლავ შარშანდელი შედეგის განმეორების შემთხვევაში რონალდუსთან სხვაობა მნიშვნელოვნად შემცირდება, რაც კარიმს დამატებით მოტივაციას აძლევს.

რეკორდსმენობა ურთულესი იქნება, თუმცა არა შეუძლებელი.