ფლორენტინო პერესმა ევროპის სუპერთასის მოგებასთან დაკავშირებით ისაუბრა...

„მეტოქეს არჩევანის საშუალება არ მივეცით. ვდომონირებდით და სასურველი შედეგი დავაფიქსირეთ. ყველა მადრიდისტა გახარებული და ბედნიერია, ვინაიდან გუნდმა გამარჯვება შეძლო. ეს იყო შარშანდელი საოცარი სეზონის გვირგვინი, ახლა კი ახალი გამოწვევები უნდა მივიღოთ.“

„ყოველთვის ყველაფრის მოგება გვინდა. ჩვენ გვყავს შესანიშნავი გუნდი და ამის უკან უდიდესი შრომა დგას. მოთამაშეებს ვთხოვ, არ გადაუხვიონ აღებულ გეზს და გაიღონ მაქსიმუმი. წინ დიდი გამოწვევებით სავსე სეზონი გვაქვს.“

„ანჩელოტი გუნდს ბრწყინვალედ მართავს. ეს არის კარგად დაბალანსებული და მიზანდასახული კოლექტივი, რომელსაც შეუძლია წარმატების მიღწევა.“

„ბენზემა ბრწყინვალე ფეხბურთელია. ფრანგი ოქროს ბურთს აუცილებლად მიიღებს, ვინაიდან ნამდვილად უალტერნატივოა.“

„კარიმის შემცვლელი? მისი შეცვლა ძალიან რთულია, მაგრამ წინა ხაზში დიდი არჩევანი გვაქვს.“

„„რეალს“ გულშემატკირები მსოფლიოს ყველა წერტილში ჰყავს. აქაური აქტივობა არ გამკვირვებია.“

„„ბარსელონა“ დიდ ფეხბურთში უფრო მკვეთრი სახელით ბრუნდება. ლაპორტამ საკმაოდ ეფექტური ტრანსფერები განახორციელა, ეს კარგია, როგორც ჩვენთვის, ასევე ლა ლიგისთვის. კატალონიური კლუბი „რეალთან“ ერთად მსოფლიო დონის გრანდია. მინდა ვუთხრა ჟოანს, რომ მე და მთლიანად „რეალი“ მას წარმატებებს ვუსურვებ.“