კარლო ანჩელოტი არის პირველი მწვრთნელი, რომელმაც ევროპის სუპერთასის მოგება 4-ჯერ შეძლო...

აღსანიშნავია, რომ იტალიელმა სპეციალისტმა ეს პირველად „მილანში“ შეძლო 2003 წელს, მეორედაც „მილანში“ 2007 წელს, მესამედ და მეოთხედ კი „რეალში“ შესაბამისად 2014 და 2022 წელს.

ასევე უნდა აღინიშნოს, რომ 1990 წელს კარლიტომ სუპერთასის მოგება ფეხბურთელის რანგშიც შეძლო.

„რეალის“ მწვრთნელის რანგში ფინეთში მოგებული თასი იტალიელისთვის მე-8 იყო. მის ანგარიშზეა 2 ჩემპიონთა ლიგა, 1 ლა ლიგა, 1 მსოფლიო საკლუბო ჩემპიონატი, 2 ევროპის სუპერთასი, 1 სამეფო თასი და 1 ესპანეთის სუპერთასი.

ვულოცავთ კარლიტოს და კიდევ უფრო დიდ წარმატებებს ვუსურვებთ.