კარლო ანჩელოტიმ ევროპის სუპერთასის დაპირისპირების წინ პრესკონფერენცია გამართა...

„მე ვუყურე „აინტრახტის“ და „ბაიერნის“ დაპირისპირებას, სადაც ამ უკანასკნელმა დიდი ანგარიშით მოიგო, მაგრამ ეს არ არის საზომი. უნდა გვახსოვდეს, რომ ფრანკფურტს ჰყავს გუნდი, რომელმაც შარშან ევროპალიგის თასი აღმართა. განსაკუთრებული ყურადღებით თამაში გვმართებს.“

„ჩემპიონთა ლიგის მოგებამ დიდი იმედები მოგვცა, გულშემატკივართა დიდი არმია კი გაახარა. ჩვენ ვართ თავდაჯერებულები და ვიცით, რომ სასურველი თამაშის ჩვენება შეგვიძლია. თუ გამარჯვება გვსურს, მხოლოდ და მხოლოდ დიდი ბრძოლა გვმართებს. გუნდი კარგად ემზადებოდა და საერთო ჯამში კმაყოფილი ვარ.“

„სასტარტო თერთმეტეულზე ვერაფერს გეტყვით. ვერც იმას გეტყვით, ჩემპიონთა ლიგის ფინალის შემადგენლობას გამოვიყენებ თუ არა.“

„მე ვფიქრობ, რომ „რეალი“ ამ სეზონს უფრო თავდაჯერებული ხვდება, ვიდრე შარშანდელს. ჩვენ ხომ მოქმედი ჩემპიონები ვართ და ყველას ვაჩვენეთ, რა შეგვიძლია. დიახ, სასწორზე 6 ტიტული დევს. ჩვენი მიზანი ყველა მათგანის მოგება იქნება.“

„გამარჯვების იმედი მაქვს და ვიცი, რომ ამ დაპირისპირების წარმატებით დასრულება შესაძლებელია.“

„ჩუამენმა და რუდიგერმა გუნდის ფიზიკა და რესურსი გაზარდეს. ჩვენ ვიყიდეთ ფეხბურთელები, რომლებმაც კიდევ უფრო გააუმჯობესეს კოლექტივის ტექნიკური და ფიზიკური მდგომარეობა. ძალიან კმაყოფილი ვარ და ზუსტად ვიცი, რომ ახალ სეზონში ახალწვეულები გაამართლებენ.“

„მომდევნო სეზონში გამოცდილი და ახალგაზრდა ფეხბურთელების სინთეზი კვლავ ძალაში იქნება. ჩვენ იდეალურ ბალანსს შემოგთავაზებთ.“

„ბენზემას შეცვლა გამორიცხულია. მსოფლიოში არ მოიძებნება მოთამაშე, რომელიც მის შეცვლას მოახერხებს. კარიმი მალე ოქროს ბურთის გამარჯვებული გახდება.“

„ტრანსფერები? თუ პერესი ახალ ფეხბურთელს იყიდის, ამას ყველა გაიგებთ. ჩემი პოზიცია უკვე დავაფიქსირე“

„„აინტრახტს“ ბუნდესლიგისთვის ბრძოლა უჭირს, ვინაიდან იქ „ბაიერნია“. ამ გუნდს აქვს შესაბამისი ფინანსები, ისტორია და ორგანიზაციული განვითარება.“

„ფინეთში პირველად ვარ და აქაურობა ძალიან მომწონს. ვფიქრობ, ეს ქვეყანა რაღაცით კანადასაც ჰგავს. გულშემატკივართა მხარდაჭერა ჩამოფრენის მომენტიდან იგრძნობოდა. ვიმედოვნებ, მათ გულებს გავახარებთ.“