ტომას რონსერომ ვინისიუს ჟუნიორზე ისაუბრა...

„უკვე წლებია ვინი მადრიდის „რეალის“ სადარაჯოზე დგას. ის გაიზარდა, როგორც ფეხბურთელი და როგორც ადამიანი. ამდენი წლის განმავლობაში ბრაზილიელმა ფეხბურთელმა არნახული პროგრესი აჩვენა, გასული სეზონი კი ნამდვილი გვირგვინი იყო. დღეს ჟუნიორს თაყვანს სცემს მილიონობით ადამიანი და მისი ეიმედება.“

„ბევრ ვარსკვლავს უოცნებია ჩემპიონთა ლიგის ფინალში მოხვედრასა და გოლის გატანაზე, ვინისიუსმა კი ეს შეძლო. გასული სეზონის გაგრძელება მომდევნო სეზონში უნდა ვიხილოთ. ახალგაზრდა შემტევმა კიდევ უფრო მეტი უნდა გაიტანოს და გუნდისთვის უფრო სასარგებლო გახდეს.“

„ცოტა ხნის წინ ვინიმ თქვა, რომ „ბლანკოსთან“ ერთად 5-6 ჩემპიონთა ლიგის მოგებას აპირებს. ეს სერიოზული განაცხადია, თუმცა სავსებით რეალურია.“

„ოქროს ბურთი ვინისიუსისთვის მიუღწეველი არ არის. სრულიად შესაძლებელია, რომ თუნდაც 2023 წლის გათამაშებაში ის ერთ-ერთი მთავარი ფავორიტი იყოს.“