გონსალო იგუაინმა მადრიდის „რეალში“ გატარებულ 7 წელიწადს საუკეთესო უწოდა...

„ჩემთვის არგენტინიდან მადრიდში მოხვედრა დიდი გამოწვევა იყო. ვფიქრობ, სამეფო კლუბის რიგებში საუკეთესო 7 წელი გავატარე და „რეალის“ მადლიერი ვარ. ამაზე მნიშვნელოვანი წლები არცერთ კლუბში არ გამიტარებია.“

„ბევრი გავიტანე და ბევრიც გამაკრიტიკეს. ხშირად უსაფუძვლოდ მესროდნენ ტალახს, მაგრამ პროფესიონალი ვიყავი და ვცდილობდი, სიტუაციის სწორად შეფასებას.“

„ვამაყობ, რომ მსოფლიოს ორ საუკეთესო ფეხბურთელთან ერთად ვთამაშობდი. რონალდუს და მესის სახით უდიდესი პარტნიორები მყავდა.“

„მე გავხდი რიგით მეორე არგენტინელი, ვინც ყველაზე მეტი მატჩი ჩაატარა „რეალის“ მაისურით. ამ კლუბში 100-ზე მეტი გოლი გავიტანე და უამრავი ტიტული მოვიგე.“