“სანტიაგო ბერნაბეუს თასზე” მადრიდის “რეალი” ურუგვაულ “პენიაროლს” დაუპირისპირდება. აღნიშნული გუნდების შეხვედრა სიმბოლურია. ისინი 50 წლის წინ, საკონტინენტთაშორისო თასზე დაუპირისპირდნენ ერთმანეთს.

“რეალისა” და “პენიაროლის” მატჩი 24 აგვისტოს შედგება. გუნდები ერთმანეთს შეხვდნენ საკონტინეტთაშორისო თასის პირველ გათამაშებაში 1960 წელს. წელს ასევე არის “სანტიაგო ბერნაბეუს თასის” რიგით 30-ე გათამაშება.

რაც შეეხება ძველ შეხვედრებს. 1960 წლის 4 სექტემბერს, “სანტიაგო ბერნაბეუზე” “რეალმა” “პენიაროლი” 5-1 დაამარცხა. გოლები პუშკაშმა (2), დი სტეფანომ, ერერამ და ხენტომ გაიტანეს. ეს განმეორებითი შეხვედრა გახლდათ. პირველი მატჩი ურუგვაიში ფრედ, 0-0 დასრულდა და ტიტულს მადრიდელები დაეუფლნენ.

“რეალმა” საკონტინენტთაშორისო თასი კიდევ ორჯერ მოიგო. 1998 წელს, მადრიდელებმა ბრაზილიური “ვასკო და გამა” დაამარცხეს (2-1), ხოლო 2002 წელს, პარაგვაული “ოლიმპია” (2-0).

ინფორმაციის წყარო: RealMadrid.Com