მარკო ასენსიომ ტურინის „იუვენტუსთან“ გოლის გატანა შეძლო. ესპანელმა მატჩის შემდეგ კომენტარი გააკეთა...

„ამერიკის შეერთებულ შტატებში პირველად არ ვარ. აქ ჩატარებული ყველა პრე-სეზონი კარგად მახსენდება. თავს ისე ვგრძნობ, როგორც სახლში, ვინაიდან ქომაგებისგან უდიდესი სითბო და პატივისცემა მოდის. დიდი მადლობა ამისთვის.“

„მადრიდში ჩასვლის შემდეგ მცირეხნიან პაუზას ავიღებთ და „აინტრახტთან“ დაპირისპირებისთვის მზადებას დავიწყებთ. ჩვენ გვჭირდება დასვენება, ვინაიდან ამერიკული და ევროპული დრო ერთმანეთისგან განსხვავდება.“

„გუნდმა „იუვენტუსთან“ გააზრებული, სწრაფი და ტექნიკურად გამართული ფეხბურთი ითამაშა. კარგია, რომ ტურნეს ბოლო დაპირისპირება გამარჯვებით დასრულდა.“

„გამოცდილი და ახალგაზრდა ფეხბურთელების სინთეზი „ბლანკოსს“ უფრო მრავალმხრივს და მოტივირებულს ხდის. მომდევნო სეზონში არაერთ ტურნირზე ვეცდებით წარმატების მიღწევას.“