ტონი კროოსმა „რეალის“ ოფიციალურ ვებ-გვერდს ინტერვიუ მისცა...

„ეს მხოლოდ პრე-სეზონია და აქ ჩატარებულ დაპირისპირებებს და შედეგებს ყურადღება არ უნდა მიექცეს, თუმცა რა თქმა უნდა ყველაფერს გავაკეთებთ 10 აგვისტოს დაპირისპირების უმაღლეს დონეზე ჩასატარებლად. ეს ჩვენი პრიორიტეტია.“

„ამერიკაში ძალიან კარგად ვემზადებით. 3 ტესტ მატჩის გარდა, ყოველდღიურ რეჟიმში მძიმე დატვირთვებს ვიღებთ და ყოველდღიურად ვგრძნობთ, რომ უკეთესები ვართ.“

„ახლა ჩვენი მიზანი თამაშის ტემპის ამაღლება იქნება.“

„როდესაც „რეალში“ თამაშობ, ვალდებული ხარ, ყველა ტიტულისთვის ბოლომდე იბრძოლო. ვინც გვიცნობს, ყველამ იცის, რომ ჩვენი მიზანი „სექსტეტი“ იქნება. „რეალი“ 6 ტურნირზე გამოვა და ყველგან წარმატების მიღწევას შეეცდება, ეს შესაძლებელია.“