როდრიგო გოეშმა შეერთებულ შტატებში გამგზავრების წინ „რეალის“ ოფიციალურ ვებ-გვერდთან ისაუბრა...

„უკვე 9 დღეა საქმეში ვართ და ურთულეს ვარჯიშებს ვასრულებთ. ვძლიერდებით, როგორც ფიზიკურად, ასევე მენტალურად და გვჯერა, რომ სეზონის სტარტს ძალიან მაღალ დონეზე შევხვდებით. „რეალის“ ყველა მოთამაშე მოტივირებულია.“

„ახლა აკრეფილი ფიზიკური კონდიცია მთელი სეზონის განმავლობაში მნიშვნელოვანი იქნება. როდესაც კვირაში ერთხელ, ან 3-4 დღეში ერთხელ დაპირისპირების გამართვა გიწევს, ასეთი ვარჯიშის ჩატარება შეუძლებელია. ახლა მატჩები არ გვაქვს, ამიტომ მაქსიმალურად ვიხარჯებით.“

„რუტინული დღეები მაქვს. სწორი კვება, ვარჯიში, ძილი და ენერგიის აღდგენა. საღამოს კვლავ ვარჯიში და რაც შეიძლება ადრე დაძინება, რათა მეორე დღეს ენერგიულად შეხვდეს. ეს არის ჩვენი სტილი.“

„გასული სეზონის მიწურულს შესანიშნავი მატჩები ჩავატარე და გოლების გატანაც შევძელი. მსურს, რომ მომდევნო სეზონში გუნდისთვის კიდევ უფრო მნიშვნელოვანი მოთამაშე გავხდე. ამისთვის ყველაფერს გავიღებ.“