ტომას რონსერომ „რეალში“ მიმდინარე მოვლენებსა და სატრანსფერო საკითხებზე ისაუბრა...

„ანჩელოტი საქმეს შეუდგა, თანაც დიდი ენთუზიაზმით. კულუარული ხმების საფუძველზე ყველა ერთსა და იმავეს ამბობს - „რეალის“ ფეხბურთელებმა დასვენების დროსაც კი იზრუნეს საკუთარ კონდიციებზე, რაც ძალიან მნიშვნელოვანია.“

„დანი სებალიოსის მომავალი კვლავ ბურუსით არის მოცული. კარლო ესპანელთან განახლებას ლამობს, მაგრამ თავად სებას იტალიელი მწვრთნელის არ სჯერა და გარემოს შეცვლა აქვს გადაწყვეტილი. ცალსახად შეიძლება ითქვას, რომ სებალიოსის მომავალთან დაკავშირებით ჯერ არავინ არაფერი იცის.“

„გასული სეზონის მიწურულსა და ჩემპიონთა ლიგის ფინალში კარლიტომ დანის კიდევ ერთხელ აჩვენა საკუთარი პატივისცემა, თუმცა გასათვალისწინებელია ის კონკურენციაც, რომელიც გუნდში არსებობს.“

„ოქროს ბურთის მომდევნო მფლობელის კონკურენციაში ჩაბმა არავის სურს. „რეალის“ მხრიდან თავდამსხმელის ყიდვა საკმაოდ რთული წარმოსადგენია.“

„დახურულია რაჰიმ სტერლინგის ამბავიც, იგივეს თქმა შემიძლია გაბი ჟესუსზეც, რომელმაც „არსენალში“ თამაშს მწვანე შუქი აუნთო.“

„რუდიგერის სუპერ ტრანსფერი გუნდის დაცვით პოტენციალს აუმჯობესებს. ალაბა მარცხნივ გადავა, რაც „რეალის“ შეტევებს უფრო მრავალფეროვანს და ტექნიკურს გახდის. ამასთან ერთად, დავიდს ბრწყინვალედ შეუძლია დაცვითი ფუნქციების შესრულება. ეს გარკვეულწილად გზას გაუხსნის ნაჩო ფერნანდესსაც, რომელიც უნივერსალია და ერთ დონეზე თამაშობს, როგორც ცენტრში, ასევე ფლანგებზე.“