ვინისიუს ტობიასი პრე-სეზონის ფარგლებში მთავარ გუნდთან ერთად ვარჯიშობს და კარლო ანჩელოტი აღფრთოვანებაში მოჰყავს. ვრცელდება ინფორმაცია, რომლის მიხედვითაც, ვინისიუსის თამაშით თანაგუნდელებიც გაოცებულები არიან...

ამ ეტაპზე ვერავინ წარმოუდგენია, ბრაზილიელმა ტალანტმა კარიერა „კასტილიაში“ როგორც უნდა განაგრძოს.

არსებული ინფორმაციით, კარლო ანჩელოტი ფლორენტინო პერესს ტობიასთან დაკავშირებით აუცილებლად გაესაუბრება, ვინაიდან ახალგაზრდა მოთამაშემ ყველა მოლოდინს გადააჭარბა.

ახალგაზრდა ტალანტი, იტალიელ სპეციალისტს სთხოვს, რომ მთავარ გუნდში მისი მოხვედრის შესაძლებლობა განიხილოს, ვარჯიშებზე კი საკუთარ კლასს ყოველწამიერად ამტკიცებს.

თუ გუნდში არაევროკავშირელის ადგილი არ გათავისუფლდება, „რეალი“ მთავარ გუნდში მის დარეგისტრირებას ვერცერთ შემთხვევაში ვერ შეძლებს.

ერთადერთი გამოსავალი ისევ ვინისიუსის, თუმცა ამ შემთხვევაში არა ტობიასის, არამედ ჟუნიორის პასპორტის მიღების დაჩქარებული პროცედურებია.

თუ ვინი ჟუნიორი 31 აგვისოტმდე ევროკავშირელის სტატუსს მოიპოვებს, „ბლანკოსში“ ადგილი გათავისუფლდება, რასაც დიდი ალბათობით განაპირა მცველი შეავსებს, რომელიც მთელ ფლანგზე საოცარ შთაბეჭდილებას ტოვებს.