ესპანური გამოცემები ერთხმად იუწყებიან, რომ მადრიდის „რეალის“ ახალწვეული, რომელიც „კასტილიას“ რიგებში ირიცხება კარლო ანჩელოტის აღფრთოვანებას იწვევს...

ბრაზილიელი ვინისიუს ტობიასი პრე-სეზონის ფარგლებში მთავარი გუნდის წევრებთან ერთად ვარჯიშობს.

ახალგაზრდა განაპირა მცველის ფიზიკური მონაცემები ფიზ.მომზადების მწვრთნელის კმაყოფილებას იწვევს, ანჩელოტი კი მიიჩნევს, რომ ტობიასი საოცარია, როგორც დაცვის მარჯვენა ფლანგზე, ასევე შეტევაში.

მადრიდში ვინისიუს ტობიასს აშრაფ ჰაკიმის გაუმჯობესებულ ვარიანტს უწოდებენ, რომელიც ძალიან სწრაფი და ტექნიკურია.

ამ შემთხვევაში იტალიელი სპეციალისტი საგონებელშია ჩავარდნილი, ვინაიდან გუნდში არაევროკავშირელის ადგილი არ არის, ტობიასის კასტილიაში დატოვება დიდი შეცდომა იქნება.

ტობიასმა ანჩელოტი გააგიჟა. გავრცელებული ინფორმაციით, იტალიელი დამრიგებელი ამ საკითხის პრეზიდენტთან გავლას გეგმავს.