„იუვე“ მენდის სანაცვლოდ 45 მილიონს ამზადებს
ესპანური და იტალიური გამოცემების ცნობით, ტურინის „იუვენტუსი“ ფერლან მენდის ტრანსფერით ინტერესდება...
„ბებერი ქალბატონის“ მთავარ მწვრთნელს, მასიმილიანო ალეგრის სჯერა, რომ მისი კლუბის ხელმძღვანელი, ანდრეა ანიელი ფლორენტინო პერესთან კარგ მეგობრულ ურთიერთობას გამოიყენებს და მენდის დამატებას შეძლებს.
პერესი მენდის სანაცვლოდ 50-იდან 60 მილიონ ევრომდე ითხოვს, აქედან გამომდინარე, რთულად წარმოსადგენია, რომ ნაკლებ თანხას დათანხმდეს, თუმცა ეს მხოლოდ პირველი შემოთავაზებაა.
ანტონიო რუდიგერის „ბლანკოსში“ გადასვლის შემდეგ, მოედნის ცენტრში გერმანელთან ერთად მილიტაო განიხილება, დავიდ ალაბა კი მარცხენა ფლანგს გაამაგრებს, რაც მენდის შანსებს ამცირებს, აქედან გამომდინარე, კარგი წინადადების მიღების შემთხვევაში ფერლანის გაყიდვა რეალურია.
ამასთან ერთად აუცილებლად უნდა აღინიშნოს, რომ „ბლანკოსი“ ფრანგ მცველს ხელფასს არ უზრდის, რაც მენდის უკმაყოფილებას იწვევს.
- 9 ივლისი 2022
- 1 188
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
