ადამ სჟალაი გასულ 3 სეზონის განმავლობაში “კასტილიას” თავდასხმის ერთ-ერთი ლიდერი და გუნდის საუკეთესო ბომბარდირი გახლდათ, თუმცა მთავარ გუნდში უნგრელ ფორვარდს დებიუტი არ ჰქონია.

ამა წლის იანვარში, ის არენდით გერმანულ “მაინცში” გაუშვეს. სჟალაიმ ბუნდესლიგაში 15 მატჩი ჩაატარა და 1 გოლის გატანა მოახერხა. მიუხედავად არცთუ დიდი შედეგიანობისა, გერმანულმა კლუბმა მისი შეძენა გადაწყვიტა და როგორც “მაინცის” ვებ-გვერდმა გვამცნო, უნგრელი ფორვარდი კლუბში 2013 წლამდე დარჩება.

ჯერჯერობით უცნობია სატრანსფერო თანხა. როგორც ესპანეთში ვარაუდობენ, უნგრელ ფორვარდს “კასტილიაში” “სელტადან” შეძენილი ხოსელუ და ალვარო მორატა შეცვლიან, რომელიც ამჟამად აშშ-ში, მთავარ გუნდთან ერთად ემზადება ახალი სეზონისთვის.

ინფორმაციის წყარო: defensacentral.com