ტაკეფუსა კუბოს „სოსიედადში“ გადასვლა ფაქტობრივად გადაწყვეტილი იყო, თუმცა გუნდები ვერადავერ შეთანხმდნენ საიჯარო ხელშეკრულების პირობაზე. „ბლანკოსს“ ხელშეკრულებაში გამოსყიდვის უფლების ჩადება არ სურს, ბასკებს კი სხვა პოზიცია აქვთ...

ესპანური გამოცემების ცნობით, თუ მიმდინარე კვირის ბოლომდე „სოსიედადთან“ შეთანხმება ვერ მოხერხდება, ასპარეზზე გამოვა „ვალიადოლიდი“, რომლის პრეზიდენტს, ლუის ნაზარიო რონალდოს იაპონელი ფეხბურთელის 1 წლიანი იჯარით დამატება სურს.

ტაკეფუსას პრობლემა არაევროკავშირელობაა, რაც მის „ბლანკოსში“ დარჩენას გამორიცხავს, ამიტომ ფლორენტინო პერესი გამოსავლის გზებს ეძებს.