ტონი კროოსმა სამომავლო გეგმებსა და „რეალის“ სატრანსფერო პოლიტიკაზე ისაუბრა...

„ფლორენტინო პერესი ძალიან ჭკვიანი ადამიანია, რომელიც ასევე ჭკვიანურად მოქმედებს. ორელიენ ჩუამენის სახით მან დიდებული ნახევარმცველი დაიმატა. ვაღიარებ, საფრანგეთის ჩემპიონატის ხშირი მაყურებელი არ ვარ, მაგრამ ცალსახად შეიძლება ითქვას, რომ ორელიანი ნამდვილი ვარსკვლავი გახდება.“

„შარშან კამავინგა დავიმატეთ, მან საკმაოდ ბევრ მატჩს შესძინა სისწრაფე. ის გამოცდილებას ეტაპობრივად აგროვებს.“

„კარიერის „რეალში“ დასრულება? ეს შესანიშნავი შესაძლებლობა იქნებოდა. ახლა ამაზე არ ვფიქრობ.“

„რუდიგერი მსოფლიოს ერთ-ერთი საუკეთესო მცველია, ამაში ყველა უნდა დამეთანხმოს. გერმანელი საკუთარი მონაცემებით ნებისმიერს აღაფრთოვანებს.“

„ლევანდოვსკი „ბარსელონაში“? თუ ტრანსფერი შედგება, მე მას დავურეკავ და მივულოცავ. არ ვიცი, რა სურს პოლონელს, თუმცა თუ მისი მიზანი „რეკორდმაისტერის“ დატოვებაა, „ბაიერნს“ შენარჩუნებს გაუჭირდება.“