ესპანურ პრესაში გავრცელებული ინფორმაციის მიხედვით, სამეფო კლუბის ესპანელი ნახევარმცველი, ხაბი ალონსო მომავალ სეზონში 14 ნომრიანი მაისურით გავა მოედანზე...

ყველაფერი იქიდან მოდის, რომ მადრიდის რეალი გუტიმ დატოვა, რომელსაც 14 ნომრიანი მაისური ეცვა. ახლა კი ეს ნომერი გათავისუფლდა და მისი ხელში ჩაგდების მთავარი პრეტენდენტი სწორედ ესპანელი ალონსოა.

ლივერპულში თამაშის დროს ხაბი სწორედ ამ ნომრით ასპარეზობდა და არც ახლა იქნება წინააღმდეგი ტრადიციული ნომრის აღებისა.

რაც შეეხება ალონსოს 22 ნომერს, ეს შეიძლება პედრო ლეონს გადაეცეს. ჯერჯერობით ახალგაზრდა ახალწვეულს ნომერი არ აქვს და ძალიან დიდი შანსია, რომ მან ალონსოს ნომერი ჩაიბაროს და ისე გავიდეს მოედანზე.

ჯერჯერობით გაურკვეველია ანხელ დი მარიას მაისურის ამბავი. ჟურნალისტები ამ საკითხთთან დაკავშირებით არაფერს წერენ.