OKDiario-ს ინფორმაციით, ლონდონის „ჩელსიმ“ მადრიდის „რეალს“ როდრიგო გოეშის სანაცვლოდ 70 მილიონი ევრო შესთავაზა, თავად ფეხბურთელს კი 5 წლიანი კონტრაქტი წარუდგინა...

„ბლანკოსმა“ წინადადება უარყო. მიუხედავად იმისა, რომ როდრიგოს წასვლა სამეფო კლუბს 70 მილიონთან ერთად, ერთი არაევროკავშირელის კვოტასაც მოუტანდა, ანჩელოტი მისი გაშვების კატეგორიული წინააღმდეგია.

ივლისის პირველ რიცხვებში როდრიგო „მერენგებთან“ ახალ კონტრაქტს მოაწერს ხელს და წერტილს დაუსვამს ყველა ჭორს, რომელიც მის ირგვლივ ტრიალებს.

ბოლო ინფორმაციის მიხედვით, გოეშისა და „რეალის“ ახალი ხელშეკრულება 5 წლიანი იქნება და 2027 წლის 30 ივნისს გაუვა ვადა.