როგორც იცით, გუშინ, ესპანეთის სამეფოს ფეხბურთის ფედერაციამ ლა ლიგის 2022/23 წ.წ. სეზონის კალენდარი დაამტკიცა.

ესპანეთის ჩემპიონატი 14 აგვისტოს აიღებს სტარტს და აღსანიშანვია, რომ შარშანდელის მსგავსად, „რეალი“ პირველი 3 ტურის მატჩს სტუმრად ჩაატარებს. მადრიდელები, შესაბამისად, „ალმერიას,“ „სელტასა“ და „ესპანიოლს“ დაუპირისპირდებიან. ამის მიზეზი კი „სანტიაგო ბერნაბეუზე“ მიმდინარე საკონსტრუქციო სამუშაოებია.

ანჩელოტის შეგირდები მადრიდში 4 სექტემბერს დაბრუნდებიან „ბეტისთან“ შეხვედრით, რასაც კიდევ ერთი საშინაო პაექრობა მოჰყვება 1 კვირაში („მალიორკასთან").