დანი კარვახალმა საკუთარ ინტერვიუში გასული სეზონის მნიშვნელოვანი მომენტი და მომავალი მიმოიხილა...

„1/8 ფინალური დაპირისპირება „პსჟ“-ს წინააღმდეგ, რომელიც პოჩეტინოს გუნდთან პარიზში წავაგეთ ძალიან გულდასაწყვეტი იყო, თუმცა ჩვენ ვიცოდით, რომ ბერნაბეუზე სიტუაციის გამოსწორება შეგვეძლო. მადრიდში დაგეგმილ მატჩს ყველა მოუთმენლად ელოდა, თუმცა საშინელი პირველი ტაიმისა და მეორე ტაიმის სტარტის შემდეგ ბევრს იმედი გაუცრუვდა. პარიზელები შემდეგ ეტაპთან ახლოს იყვნენ და საკმაოდ დამაჯერებლად თამაშობდნენ, თუმცა ჩვენ არცერთი წუთით არ დაგვიკარგავს წარმატების იმედი. გვჯეროდა ჩვენი მიზნის და გუ₾შემატკივრების. მაგიური საღამო, რომელიც „პსჟ“-სთან შედგა და „რეალის“ გამარჯვებით დასრულდა ისტორიაში შევიდა.“

„ტრავმების ეპოქა უკან მორჩა. დიეტოლოგთან და ფიზიოთერაპევტთან კონსულტაციებმა შედეგი გამოიღო. სპეციალური კვების რაციონი მაქვს და ვიცი, რა მჭირდება კონკრეტულ მომენტებში. მრავალი სეზონის მანძილზე უდიდეს დატვირთვებს ვუძლებდი, შემდეგ კი სიტუაცია შეიცვალა. ახლა კარგად ვარ და გასული სეზონის დასკვნითი ეტაპიც მოწოდების სიმაღლეზე ჩავატარე. კუნთს მეტი ჟანგბადი და სისხლი სჭირდებოდა, ვინაიდან მისი დაჭიმულობა და დატვირთვა წლების მანძილზე გრძელდებოდა.“

„წლები გადის, მადრიდში კი თაობები იცვლება. ჩვენ გვყავს ვინისიუსი, როდრიგო, კამავინგა, ჩუამენი, მილიტაო და სხვა ახალგაზრდები, რომლებიც მომავალს ქმნიან, თუმცა უკვე დიდი გამოცდილება დააგროვეს. მე მზად ვარ, ახალწვეულებს გამოცდილება გავუზიარო. რუდიგერისა და ორელიანის ტრანსფერებმა ჩვენი რესურსი მნიშვნელოვნად გაზარდა, რაც თავისთავად მნიშვნელოვანია.“

„ანჩელოტი იდეალური მწვრთნელია, ის არის ლიდერი, რომელსაც შეუძლია, როგორც ვარსკვლავებთან, ასევე ახალგაზრდებთან ურთიერთობა და მათ წარმატებაზე ფიქრი. იტალიელი ყოველთვის ყველას აჩვენებს, რომ საჭირო ფეხბურთელია. მასთან მუშაობა დიდი გამოცდილებაა.“

„კარლიტო ყოველთვის გამოირჩევა შეგირდებთან ურთიერთობით, იმ ამ საქმის ნამდვილი პროფესიონალია.“

„ჩემთვის დიდი პატივი და პრივიოლეგიაა მადრიდის „რეალის“ სადარაჯოზე დგომა, რომელთან ერთადაც ჩემპიონთა ლიგის მოგება უკვე 5-ჯერ შევძელი. ეს ისტორიაა, რომელზეც ვსაუბრობთ, მაგრამ რეალობაში აღნიშნული შედეგის მიღწევა ბევრისთვის საოცნებო და წარმოუდგენელია, ამიტომ თავს ბედნიერ და მნიშვნელოვან ადამიანად ვთვლი.“

„დიახ, ჩემპიონთა ლიგის მოგება ზედიზედ 3-ჯერ შევძელი, ისტორიაში კი „რეალის“ გარდა არ არის კლუბი, რომელმაც თუნდაც ზედიზედ ორჯერ მოახერხა აღნიშნულის გაკეთება.“

„მე, ლუკამ და კარიმმა მართლაც უდიდესი მიღწევა დავაფიქსირეთ „ბლანკოსში“, რაც არ ჰქონიათ კასილიასს, რაულს და სხვა ლეგენდებს, მაგრამ მათ დიდი საფუძველი ჩაუყარეს წარმატებას და პროექტს, რომელიც „რეალმა“ ბოლო ათწლეულში განახორციელა.“

„სეზონის დასრულებისთანავე ყველა ივიწყებს გასულ შედეგებს და მომავალზე ფიქრობს. მადრიდის „რეალში“ ასეთი სტანდარტია. მე მინდა და ვიცი, რომ კიდევ უფრო დიდი წარმატების მიღწევა შემიძლია. ამისთვის ყვეალაფერს გავიღებ. პრე-სეზონის დაწყების შემდეგ მზადებას დავიწყებთ და ვეცდებით სეზონის სტარტს მოწოდების სიმაღლეზე შევხვდეთ. წინ დიდი გამოწვევებია ევროპის სუპერთასისა, ესპანეთის სუპერთასის, მსოფლიო საკლუბო ჩემპიონატის, ლა ლიგის, სამეფო თასისა და ჩემპიონთა ლიგის სახით.