ჩემპიონთა ლიგის ფინალში გამარჯვების გოლის ავტორი ერთ-ერთი ყველაზე მოთხოვნადი ფეხბურთელია სატრანსფერო ფანჯარაზე.

„მარკას“ ინფორმაციით, ვინისიუს ჟუნიორის გადაბირების სურვილს 4 ევროპული გრანდი გამოთქვამს - „პსჟ,“ „ჩელსი,“ „ლივერპული“ და „მანჩესტერ იუნაიტედი.“ მიუხედავად იმისა, რომ აღნიშნული გუნდები სარფიან წინადადებებს სთავაზობენ სამხრეთ ამერიკელს, ამ უკანასკნელმა თავის აგენტს უთხრა, რომ ყველა შეთავაზება დაბლოკოს, ვინაიდან მის გეგმებში მხოლოდ „რეალში“ დარჩენა შედის.

მიმდინარე ზაფხულს „ბლანკოსი“ შეგირდთან განაახლებს კონტრაქტს და ვინი სხვა გუნდებისთვის კიდევ უფრო მიუწვდომელი გახდება, რადგან გამოსასყიდი თანხა 1 მილიარდ ევრომდე გაიზრდება.