ლეგენდარულმა არიგო საკიმ Gazzetta dello Sport-თან „რეალში“ გატარებული პერიოდი გაიხსენა.

„2004/05 წლებში მადრიდში სპორტული დირექტორის პოსტზე ვმუშაობდი. შემდეგ მათ მთავარი მწვრთნელობა შემომთავაზეს. იცით, მაშინ როგორ გამოიყურებოდა „რეალის“ შეტევა? ბექჰემი, რაული, რონალდო, ზიდანი და ფიგუ, ხოლო სათადარიგოზე მორიენტესი და ოუენი ისხდნენ. ეს იყო ფილმი და არა გუნდი. მადრიდელებს ერთიანობა აკლდათ.“

„მე მადლობა გადავუხადე პრეზიდენტს, მაგრამ უარი ვთქვი. უკანა ხაზის გასაძლიერებლად საჭირო იყო 2 ცენტრალური მცველი ტყვიაგაუმტარი ჟილეტებით. შემადგენლობას ყოველთვის სჭირდება ბალანსი.“