დანი სებალიოსს „რეალში“ ყოფნის ვადა გაისად ეწურება.

მადრიდელები ნახევარმცველის უანგაროდ გაშვებას არ აპირებენ, შესაბამისად მას 2 ვარიანტს სთავაზობენ - კონტრაქტის გახანგრძლივება, ან მიმდინარე ზაფხულს კლუბის დატოვება.

ესპანელ ფეხბურთელი ამჟამად კუთვნილი არდადეგებით სარგებლობს და გადაწყვეტილება ჯერ არ მიუღია, თუმცა მედიაში ვარაუდობენ, რომ სება კარიერას სხვა კლუბში გააგრძელებს. ჩუამენის მოსვლის შემდეგ, მისი თამაშის შანსები კიდევ უფრო მცირდება, რაც მუნდიალზე გამგზავრების მსურველი მოთამაშისათვის ყოვლად მიუღებელია.

არსებული მომენტისათვის, 26 წლის შუახაზელის შესაძლებლობებით რამდენიმე ევროპული გუნდია დაინტერესებული. ყველაზე აქტიურობით კი „ბეტისი“ გამოირჩევა, საიდანაც „რეალმა“ 2017 წელს გაიფორმა ის, თუმცა პრობლემა იმაშია, რომ სევილიელებს ტრანსფერებისთვის მხოლოდ 3 მილიონი ევრო აქვთ გამზადებული და როგორც ჩანს, მხოლოდ სასიამოვნო საჩუქრის იმედად არიან.

განვლილ სეზონში სებალიოსმა 268 წუთი ლა ლიგაზე გაატარა საქმეში, 36 ჩემპიონთა ლიგაზე, ხოლო 34 კოპა დელ რეიზე. 1 წლის წინ, ტოკიოს ოლიმპიურ თამაშებზე მიღებულმა ტრავმამ, დანიელის მდგომარეობა საგრძნობლად გაართულა.