ფლორენტინო პერესი El Chiringuito-ს სტუმრობდა, სადაც ბევრ საინტერესო თემაზე ისაუბრა.

„კილიანის ოცნება იყო „რეალის“ მაისურის მორგება. ჩვენ ჯერ კიდევ წინა ზაფხულს ვცდილობდით მის გადმობირებას, თუმცა პარიზელებმა ამის საშუალება არ მოგვცეს. მიუხედავად ამისა, ფეხბურთელი მაინც ყოველთვის ხაზს უსმავმდა მის სურვილს, მაგრამ ამჟამინდელ გუნდთან კონტრაქტის განახლებამდე 15 დღით ადრე სიტუაცია რადიკალურად შეიცვალა.“

„ეს არ არის ის მბაპე, რომლის „ბლანკოსში“ მოყვანასაც ვაპირებდი. ფრანგმა მოთამაშემ ოცნებები გარდატეხა შეიტანა და მან სხვა შეთავაზებები მიიღო. ის გახდა დიდი ზეწოლის მსხვერპლი და ახლა სულ სხვა ფეხბურთელია. მბაპე დიდებული მოთამაშეა, მას ძალუძს სხვაზე წარმატებული იყოს, თუმცა ფეხბურთი კოლექტიური სპორტია და ჩვენც გვაქვს საკუთარი ფასეულობები და პრინციპები, რასაც არასდროს ვუღალატებთ.“

„კიდევ ერთხელ აღვნიშნავ, რომ ეს არ არის ჩემი მბაპე. მე მინდოდა ის მბაპე, რომელსაც ოცნება ჰქონდა. 3 წლის შემდეგ „რეალი“ არ იბრძოლებს მისი ტრანსფერისთვის? ასე არ ვიტყოდი. მე არ მსურს ურთიერთობა ისეთ მბაპესთან, რომელიც უარს ამბობს ეროვნულ ნაკრებთან ერთად სარეკლამო კამპანიებში მონაწილეობის მიღებაზე. ვფიქრობ, ის შეცდომაში იქნა შეყვანილი.“

„კილიანს საფრანგეთის პრეზიდენტმაც კი დაურეკა. მან უბრალოდ ვერ გაუძლო ზეწოლას. ფულმა და პოლიტიკამ ახალგაზრდა ფეხბურთელის გადაწყვეტილებაზე იქონია გავლენა. როდესაც პანიკური სიტუაცია იქმნება, ცდილობ რაც შეიძლება სწრაფი გზა იპოვა.“

„რატომ არ გვქონდა მასთან წინასწარი კონტრაქტი? არსებული წესების მიხედვით, ეს შეთანხმება „პსჟ“-ს თანხმობით უნდა შემდგარიყო და ცხადია, ისინი უარზე იქნებოდნენ.“

„„რეალის“ კარი ყოველთვის ღიაა იმ შესანიშნავი მოთამაშეებისთვის, რომლებიც აანალიზებენ, რომ კლუბზე წინ არაფერი დგას.“