დამქანცველი და დახუნძლული სეზონის შემდეგ, სამეფო კლუბის ფეხბურთელებმა ივნისის სანაკრებო ბატალიებში მიიღეს მონაწილეობა.

„რეალის“ რიგებიდან საკუთარი ქვეყნის ღირსების დაცვის საშუალება 16 მოთამაშეს მიეცა: კარიმ ბენზემა (270 წუთი მოედანზე და 1 გოლი), ოურელინ ჩუამენი (260 წ.), ედენ აზარი (19 წ. და 1 ასისტი), ლუკა მოდრიჩი (246 წ. და 1 გოლი), ლუკა იოვიჩი (201 წ. და 1 გოლი), ანტონიო რუდგიერი (270 წ.), დავიდ ალაბა (159 წ.), მარკო ასენსიო (118 წ. და 2 ასისტი), დანი კარვახალი (180 წ.), ანდრეი ლუნინი (90 წ. და მშრალად შენახული კარი), კაზემირო (154 წ.), ვინისიუსი (82 წ.), მილიტაო (90 წ.), ვალვერდე (194 წ.), როდრიგო (არ უთამაშია) და ედუარდო კამავინგა (195 წ.). ისინი ახლა უკვე დამსახურებული არდადეგებით ისარგებლებენ.

აღსანიშნავია, რომ „ბლანკოსი“ 8 ივლისს განაახლებს ვარჯიშს, თუმცა საერთაშორისო დონეზე მოასპარეზე მადრიდელები მოგვიანებით შეურთდებიან თანაგუნდელებს.