„ას“-ის ინფორმაციით, მიგელ გუტიერესის სამწვრთნელო შტაბს შეხვდა და საკუთარი პოზიცია გაუზიარა. ესპანელი განაპირა მცველი მიიჩნევს, რომ მისთვის „კასტილია“ შესაბამისი დონე არ არის...

გუტიერესი მთავარ გუნდში გადასვლას და გარკვეულ წუთებს ითხოვს, სხვა შემთხვევაში კი სხვა კლუბში იჯარით თამაშზე არ იტყვის უარს.

მიგელის აზრით, მაღალ დონეზე თამაში მას კარიერულ განვითარებაში დაეხმარება, „კასტილიაში“ დარჩენა კი პროგრესს ვერ მოიტანს.

არსებული ინფორმაციით, პრე-სეზონის დაწყების შემდეგ მიგელი კარლო ანჩელოტისაც შეხვდება და იტალიელის გეგმებს მოისმენს.

მარსელომ გუნდი დატოვა, თუმცა რუდიგერის ტრანსფერის გამო დავიდ ალაბა უკვე დაცვის მარცხენა ფლანგზე მოიაზრება, რაც კონკურენციას ზრდის, აქედან გამომდინარე, გუტიერესის დაწინაურების შანსი მინიმალურია. ესპანელს დარჩენის შანსი მხოლოდ იმ შემთხვევაში მიეცემა, თუ კარისკენ ფერლან მენდისაც მიუთითებენ.