ესპანური გამოცემები იუწყებიან, რომ ამ ეტაპზე ანდრეი ლუნინი შემოთავაზებებს აღარ განიხილავს და „რეალში“ კიდევ 1 წლით დარჩენა აქვს განზრახული...

გამომდინარე იქედან, რომ მომდევნო სეზონი ძალიან გრძელი იქნება, ანდრეის შესაძლოა მეტი შანსი მიეცეს.

სამეფო კლუბს, ლა ლიგის და ჩემპიონთა ლიგის გარდა სამეფო თასი, ევროპის სუპერთასი, ესპანეთის სუპერთასი და მსოფლიო საკლუბო ჩემპიონატიც ექნება სათამაშო. ამას ემატება მსოფლიო მუნდიალი, რომელიც ნოემბერში უნდა ჩატარდეს. სწორედ აღნიშნულიდან გამომდინარე, ანდრეიმ მოედანზე მეტი დრო უნდა გაატაროს და კურტუას გარკვეულ მომენტებში დასვენების საშუალება მიეცეს.

გადაწყვეტილება ჯერ-ჯერობით მიღებული არ არის, თუმცა ყველაფერი იქეთ მიდის, რომ უკრაინელი მინიმუმ 1 სეზონს კვლავ „ბლანკოსში“ გაატარებს.