მარსელოს „რეალიდან“ წასვლის შემდეგ, კარიმ ბენზემამ ოფიციალურად გადაიბარა შემადგენლობის პირველი კაპიტნის წოდება.

„რეალის“ 120 წლიანი ისტორიის განმავლობაში, ფრანგი თავდამსხმელი 42-ე იქნება (ამ საუკუნეში კი მე-6) ვისაც აღნიშნული სამკლავურის ტარების პატივი ერგო. ამასთანავე უნდა აღინიშნოს, რომ ბენზემა არტურ ჯონსონის (1901-02), ფედერიკო რევუელტოსა (1903-04) და მარსელოს პარალელურად მე-4 უცხოელია (არა ესპანელი), რომელმაც გუნდის გენერალური კაპიტნის სტატუსი მიიღო.

მომდევნო სეზონში „რეალის“ კაპიტანთა ოთხეული შემდეგნაირად გამოიყურება (რიგის მიხედვით): ბენზემა, ნაჩო, მოდრიჩი და კარვახალი.

როგორც იცით, ესპანური ტრადიციების მიხედვით, კოლექტივის ლიდერობას იმას ანდობენ, ვისაც ყველაზე დიდი დრო აქვს გატარებული კლუბის რიგებში.