ესპანელ ფეხბურთელს სამეფო კლუბთან მოქმედი კონტრაქტი 2025 წლის 30 ივნისს ეწურება.

მომდევნო სეზონში „რეალის“ როგორც ნახევარდაცვით, ასევე დაცვით ხაზში დიდი კონკურენცია იქნება. ანტონიო რუდიგერის მოსვლის შემდეგ, შემადგენლობაში ამ ამპლუის მოთამაშეების რაოდენობა კიდევ უფრო გაიზარდა.

გავრცელებული ინფორმაციით, მიუხედავად არსებული სურათისა, ხესუს ვალეხო კლუბის დატოვებას არ აპირებს. მას განზრახული აქვს ბოლომდე ბრძოლა და სათამაშო დროის მიღებისათვის მწვრთნელის ნდობის მოპოვება.

განვლილ სეზონში ვალეხომ მხოლოდ 353 წუთი გაატარა საქმეში, რაც თანაგუნდელებს შორის 23-ე მაჩვენებელია. ის „რეალში“ ბედნიერად გრძნობს თავს და მზად არი ახალი გამოწვევებისთვის.