მიუხედავად იმისა, რომ „რეალს“ ერთ-ერთი ყველაზე ძლიერი ნახევარდაცვის რგოლი ჰყავს, მადრიდელები მაინც აქტიურად აკვირდებიან ახალგაზრდა შუახაზელებს.

გაისად, მოდრიჩის წასვლის შემდეგ, „რეალი“ ძალისხმევას არ დაიშურებს, რათა ჯუდ ბელინგემის გადაბირება მოახერხოს. 18 წლის ფეხბურთელი „ბორუსიას“ ღირსებას იცავს და მისი სატრანსფერი ღირებულება მომავალი ზაფხულისათვის დაახლოებით 80 მლნ. ევრო იქნება. გავრცელებული ინფორმაციით, დორტმუნდელებთან ჰოლანდის ტრანსფერზე საუბრის დროს, მადრიდელებმა მკაფიოდ გაუსვეს ხაზი ინგლისელი მოთამაშის მიმართ მათ დამოკიდებულებაზე.

გამოცემა SER Deportivos-ის ჟურნალისტი კი არ გამორიცხავს, რომ „რეალმა“ უახლოესი თვეების განმავლობაშიც გაუკეთეს შეთავაზება გერმანელებს, თუმცა ამის შანსი, ფაქტობრივად, ძალიან მწირია.