როგორც უკვე იცით, მარსელოს 16 წლიანი მადრიდული კარიერა დასრულებულია.

მიმდინარე ფორმაციის „რეალში“ ბრაზილიელი ფეხბურთელი იყო ერთადერთი, რომელსაც შემადგენლობის კარი ფლორენტინო პერესის პრეზიდენტობის პირობებში არ გაუღია. ის დედაქალაქურ გრანდში 2007 წელს, „ფლუმინენსედან“ გადაბარგდა. მაშინ, „სანტიაგო ბერნაბეუს“ ვისენტე კალდერონი ხელმძღვანელობდა. ამ უკანასკნელმა 7 მლნ. ევრო გადაიხადა სამხრეთ ამერიკელის სანაცვლოდ.

საინტერესოა, რომ როდესაც კლუბის სათავეში დონ პრესი დაბრუნდა, მას მემკვიდრეობით 22 მოთამაშე ერგო წინამორბედისაგან, რომლებმაც შემდეგ დროთა განმავლობაში დატოვეს გუნდი. საუბარი შემდეგ მოთამაშეებზე: ჰუნტელაარი, ვან დერ ვაარტი, რობენი, სნეიდერი, დრენტე, ვან ნისტერლოი, გარაი, ჰაინცე, სავიოლა, იგუაინი, გაგო, პარეხო, დე ლა რედი, ხავი გარსია, მიგელ ტორესი, მამადუ დიარა, დუდეკი, პეპე, კანავარო, მეტცელდერი, ლასანა დიარა და მარსელო.

პერესმა კალდერონის რჩეულების გასხვისებით საერთ ჯამში 135,5 მილიონ ევროს მოუყარა თავი. მას 10 შეგირდის (კანავარო, დიარა, დე ლა რედი, ნისტერლოი, დუდეკი, ჰაინცე, დრენტე, მეტცელდერი, პეპე და მარსელო) გაშვება კი უფასოდ მოუწია. ყველაზე ძვირადღირებული ტრანსფერი გონსალო იგუაინის გამოდგა. მადრიდელებმა „ნაპოლისაგან“ 37 მლნ. მიიღეს.

ახალი სეზონიდან „რეალის“ შემადგენლობა მთლიანად ფლორენტინო პერესის „გემოვნებით“ იქნება დაკომპლექტებული.