სამეფო კლუბი 14 ივნისს წარუდგენს გულშემატკივრებს ოურელინ ჩუამენის.

„რეალისათვის“ ფრანგი ნახევარმცველის გადაბირების გზა მარტივი ნამდვილად არ ყოფილა. მადრიდელებს სერიოზული კონკურენტები ჰყავდათ „პსჟ“-სა და „ლივერპულის“ სახით, რომლებიც გაცილებით უკეთესს პირობებს სთავაზობდნენ, როგორც „მონაკოს,“ ასევე თავად მოთამაშეს.

გავრცელებული ინფორმაციით, ჩუამენის ტრანსფერთან დაკავშირებულ მოლაპარაკებებში უშუალოდ ჩართული იყო იურგენ კლოპი. ეს უკანასკნელი ჩუამენის დაყოლიებას გაორმაგებული ჰონორარის დაპირებით ცდილობდა, თუმცა 22 წლის ფეხბურთელმა ყველანაირი წინადადება დაბლოკა, ვინაიდან მისი მიზანი „რეალში“ გადასვლა იყო.