„რეალის“ გადაწყვეტილებით, 2018 წლის „ოქროს ბურთის“ მფლობელი ფეხბურთელი კიდევ 1 წლის განმავლობაში იასპარეზებს მადრიდული გრანდის რიგებში.

განვლილი სეზონი ლუკა მოდრიჩმა უმაღლეს დონეზე ჩაატრარა და ცხადია, გაჩერებას არც ახლა აპირებს. 36 წლის ფეხბურთელის წინაშე დიდებული გამოწვევა დგას - კლუბის ისტორიაში ერთ-ერთი ყველაზე ტიტულოვანი მოთამაშის სტატუსის მორგება.

არსებული მომენტისათვის, ხორვატი ნახევარმცველი 20 თასს მოითვლის და მხოლოდ 5 მადრიდისტას ჩამორჩება: ბენზემას (21), რამოსს (22), სანჩისს (22), ხენტოსა (23) და მარსელოს (25).

გამომდინარე იქედან, რომ „რეალი“ 2022/23 წ.წ. სეზონში 6 ტურნირში მიიღებს მონაწილეობას, მოდრიჩს დიდებული შანსი აქვს, ბენზემას გარდა, ყველა ჩამოთვლილი ლეგენდა უკან მოიტოვოს.

როგორც იცით, „თეთრები“ ლა ლიგაზე, ჩემპიონთა ლიგაზე, ევროპის სუპერ თასზე, მსოფლიო საკლუბო ჩემპიონატზე, კოპა დელ რეისა და ესპანეთის სუპერ თასზე იასპარეზებენ.