გარეთ ბეილი უკვე დაემშვიდობა „რეალს“ და ახალი კლუბის ძიებაშია.

გამომდინარე იქედან, რომ უელსის ნაკრებმა მსოფლიო ჩემპიონატის საგზური მოიპოვა, შემტევი ფეხბურთელი ბუცების ლურსმანზე ჩამოკიდებას არ აპირებს. მისი სურვილია სათამაშო პრაქტიკის მიღება, რათა ყატარში გასამართ ტურნირს სათანადო ფიზიკურ კონდიციებში შეხვდეს.

ბეილისათვის იდეალური გამოსავალი იქნება პრიმერა დივიზიონში დარჩენა, თუმცა ჟურნალისტ ანტონს მეანას ინფორმაციით, ამის შანსი ძალიან მწირია: „ვფიქრობ, გარეთს გაუჭირდება ლა ლიგაში კარიერის გაგრძელება. მისმა აგენტმა განაცხადა, რომ ვარიანტებს შეისწავლის, თუმცა არსებული მომენტისათვის, ესპანური კლუბების მხრიდან მოთამაშისადმი ინტერესი არ არის.“