ოფიციალურად, ბრაზიელიელ ფეხბურთელს 30 ივნისს ეწურება გუნდში ყოფნის ვადა და როგორც უკვე ცნობილია, „რეალმა“ უარი თქვა მასთან კონტრაქტის გახანგრძლივებაზე.

გავრცელებული ინფორმაციით, 13 ივნისს, ხელმძღვანელობა მარსელოს დამშვიდობების ცერემონიას მოუწყობს, როგორც ეს სერხიო რამოსის შემთხვევაში მოხდა. „სანტიაგო ბერნაბეუზე“ კლუბის წარმომადგენლებისა და ოჯახის წევრების გარემოცვაში, მოგებული ტიტულების თანხლებით, სამხრეთ ამერიკელი ბოლო პრესკონფერენციას გამართავს „ბლანკოსის“ წევრის რანგში.

არსებული მომენტისათვის უცნობია, თუ სად გააგრძელოს კარიერას მარსელო. „მარკას“ ცნობით, მას 3 შეთავაზება აქვს მიღებული - გაერთიანებული საემიროებიდან, ყატარიდან და თურქეთიდან. ის აღნიშნული ღონისძიების შემდეგ დაიწყებს შესაძლო ვარიანტების შესწავლას და გადაწყვეტილებას უახლოეს მომავალში მიიღებს.