ივნისის სანაკრებო ბატალიების მორიგი სათამაშო ტური.

სერბეთის ნაკრებმა გასვლით შეხვედრაში მინიმალური ანგარიშით სძლია შვედეთს. აღსანიშნავია, რომ მატჩის ერთადერთი გოლი ლუკა იოვიჩს ანგარიშზეა. ამ უკანასკნელმა სასტარტო შემადგენლობიდან დაიწყო ასპარეზობა და მოედანზე 77 წუთი გაატარა.

სტუმრად მოიპოვეს გამარჯვება ესპანელებმაც. ენრიკეს შეგირდებმა შვეიცარიას აჯობეს (0-1). დანიელ კარვახალს სათამაშო წუთები არ მიიღია, ხოლო მარკო ასენსიომ 73-ე წუთზე ალვარო მორატა შეცვალა.

საფრანგეთის ახალგაზრდულმა ნაკრებმა ევროპის 21 წლამდელთა ჩემპიონატის საკვალიფიკაციო ეტაპი ნაყოფიერი ყაიმით დაასრულა. ისინი უკრაინელებს დაუზავდნენ (3-3). კამავინგა მატჩის მსვლელობაში 57-ე წუთზე ჩაერთო. „მამლებმა“ სატურნირო ცხრილი პირველ საფეხურზე დაასრულეს და შესაბამისად, ტურნირის პირდაპირი საგზური მოიპოვეს.